Česćeni plahowarjo skota,
prošu wobkedźbujće, zo sće jako plahowarjo konjow, howjadow, swinjow, wowcow, kozow, pjerizny, rybow a pčołkow zakońsce winowaći, tute přizjewić a přinošk zapłaćić.
Budyski wokrjes: Měrjenske jězdźidło zasadźene
Projekt „Digitalna integraciska platforma za nadróžne daty“ (DIS) dźe do přichodneje projektoweje fazy. Digitalizacija nadróžnych syćow wšitkich 57 gmejnow Budyskeho wokrjesa je daloko postupowała, nětko steji na njej natwarjacy wobjězd dróhow.
Wot apryla 2024 zasadźa so wosebite měrjenske jězdźidła wot firmy LEHMANN + PARTNER tzwr z Erfurta, kotrež su mj.dr. z wysoko rozpušćacymi kamerami a wšelakimi laserowymi skenerami wuhotowane. Tute jězdźidła přez přichodne měsacy wjace hač 4.500 km dróhi digitalnje zapřimnu a wuměrjeja. Přez wužiwanje wysokorozpušćacych a georeferencowanych wobrazow kaž tež laserowych mandatow dóstanu zarjady woprawdźitosći wotpowědowacy wotbłyšć swojeje infrastruktury, tak mjenowany „digitalny dwójnik“.
Z pomocu tutych datow so wšitke informacije zwěsća, kotrež su trěbne za digitalizaciju prawnisce trěbnych zapisow nadróžnych wobstatkow městow a gmejnow.
Při wobjězdźenju dróhi so postajenja datoweho škita konsekwentnje dodźerža. Na wosobu so poćahowace daty, kaž mjezwoča a Kfz-znamjenja, so awtomatisce njeznajomne činja.
Firma Lehmann + Partner wjeseli so na zhromadne dźěło.
Srjedu, dnja 19.06.2024 wobsteji mjez 15 do 19 hodź. we wjacezaměrowej hali "Jednota" w Chrósćicach móžnosć darjenja kreje. Prošu přizjewće so pod www.blutspende-nordost.de abo telefonisce pod 0800 1194911..
Lěta 2025 wopominamy 800 lět prěnjeho pisomneho naspomnjenja Chróšćanskeje wosady, kaž tež wsow Chrósćicy a Prawoćicy. Swjedźenski tydźeń je wot 13.-22.6.2025. Mjezdruhim smy hač do 30.9.2022 wo namjety za logo prosyli a kružk kniha 800 lět je so hižo někotre razy zetkała. Dalše informacije namakaće pod rubriku 800 lět.
Gmejna, towarstwa a wosada maja móžnosć, za swojich angažowanych čłonow próstwu wo kartku za čestnohamtskich stajić. Za to ma so slědowacy formular wupjelnić a na gmejnje wotedać.
Maće snano we přichodźe naležnosć we přizjewjenskim hamće, stawnistwje abo přemysłowym zarjedźe zrjadować a chceće hišće čas lutować? Tak wužiwajće onlinowy serwis. Termin po wašej protyčce jednorje přez internet knihować. Jeli pak nimaće móžnosć sebi termin online zawěsćić, potom skići zarjadniski zwjazk tež wopyt bjez termina, ale dyrbiće z čakanskim časom ličić.
link: https://www.terminland.eu/www.am-klosterwasser.de link: https://www.terminland.eu/www.am-klosterwasser.de
